කොංගෝවට චීන කොවිඩ් මර්දන එන්නත් පැමිණෙයි

චීන රජය විසින් පරිත්‍යාග කරන ලද කොවිඩ්-19 එන්නත පළමු තොගය පෙරේදා (10දා) කොංගෝ ජනරජයේ අගනුවර වන බ්‍රසාවිල් වෙත පැමිණියේ මාර්තු 21 වන දින පැවැත්වීමට නියමිත ජනාධිපතිවරණය ආසන්නව තිබියදීය.

භාණ්ඩ ප්‍රවාහනය පිළිගැනීම සඳහා ගුවන්තොටුපළ වෙත තවත් ඇමතිවරුන් දෙදෙනෙකු සහ චීන තානාපති මා ෆුලින් සමග පැමිණි කොංගෝ සෞඛ්‍ය අමාත්‍ය ජැකලින් ලිඩියා මිකොලෝ පැවසුවේ තම රටට ලැබුණු පළමු වැනි කොවිඩ්-19 එන්නත මෙය බවයි.

"එන්නත් ලබාදීම ඉදිරි දින කිහිපය තුළ ආරම්භ වනු ඇති. අපි එන්නත ලබා දීමට සූදානම්. එන්නත ලබා දෙන ස්ථාන හඳුනාගෙන තිබෙනවා" සෞඛ්‍ය අමාත්‍යවරයා පැවසීය.

සෞඛ්‍ය අමාත්‍යාංශයට අනුව, එන්නත සඳහා ප්‍රමුඛතාව සෞඛ්‍ය නිලධාරීන්, මාධ්‍යවේදීන්, පොලීසිය, දියවැඩියාව හෝ අධි රුධිර පීඩනය ඇති පුද්ගලයින්ට මෙන්ම අවුරුදු 50 ට වැඩි අය ලෙස දක්වා තිබේ.