එල් මෙන්චෝ ඝාතනයෙන් පසු මෙක්සිකෝව තවමත් නොසන්සුන්

මෙක්සිකෝවේ අංක එකේ මත්ද්‍රව්‍ය ජවාරම්කරුවා වූ එල් මෙන්චෝ අත්අඩංගුවේදි ජිවිතක්ෂයට පත්වීමෙන් පසුව  තඔහුගේ කාටලයේ සාමාජිකයන් විසින් ඇතිකර ඇති ප්‍රචණ්ඩත්වය පාලන කිරීම සඳහා අමතර බල ඇණි යෙදවීමට මෙක්සිකෝවේ ආරක්ෂක අංශ කටයුතු කර තිබේ.

මෙම ප්‍රචණ්ඩ රැල්ල පාලනය කිරීම සඳහා බටහිර මෙක්සිකෝවට අමතර සොල්දාදුවන් 2,500 ක් යවා ඇති බවත්, ඉරිදා සිට සමස්තයක් වශයෙන් හමුදා භටයින් 9,500 ක් පමණ යොදවා ඇති බවත් රජය පවසයි.

"එල් මෙන්චෝ" ලෙස වඩාත් ප්‍රසිද්ධ නෙමේසියෝ ඔසෙගුරා සර්වන්ටෙස් - ජාලිස්කෝ ප්‍රාන්තයේ මෙක්සිකානු විශේෂ බලකායන් විසින් අල්ලා ගැනීමෙන් ටික  වේලාවකට පසුව අත්අඩංගුවේ සිටියදී මිය යාමෙන්ම පසුව අවම වශයෙන් ප්‍රාන්ත 20 ක් නොසන්සුන්තාවක් අත්විඳ ඇත.

ජාලිස්කෝ නව පරම්පරාවේ කාටෙල් (CJNG) යනු මෙක්සිකෝවේ වඩාත්ම බියකරු අපරාධ සංවිධානවලින් එකක් වන අතර එහි නායකයා  වූ එල් මෙන්චෝ වෙනුවෙන් ඇමෙරිකාව ඩොලර් මිලියන 15ක ලංසුවක්ද තබා තිබුණි.