උතුරු කොරියානු නායකයා ඇමෙරිකාවට චෝදනා කරයි

ඇමෙරිකා එක්සත් ජනපදය ප්යොංයැං වෙත වෛර නොකරන බවට විශ්වාස කිරීමට පදනමක් නොමැති බවත්, කොරියානු අර්ධද්වීපය තුළ වොෂිංටනය විසින් ආතතියක් ඇති බවත් උතුරු කොරියානු නායක කිම් ජෝන්ග්-උන් චෝදනා කරයි.

පාලක කම්කරු පක්ෂයේ 76 වැනි සංවත්සරය වෙනුවෙන් ඉරිදා පැවති ආරක්ෂක සංවර්ධන ප්‍රදර්ශනයේදී කිම් මෙම අදහස් පළ කර තිබේ.

කොරියානු අර්ධද්වීපයේ ආරක්ෂාවට තර්ජනයක් වන එක්සත් ජනපදයේ සතුරු ප්‍රතිපත්ති සහ දකුණු කොරියාවේ හමුදාමය ගොඩනැගීම් හමුවේ උතුරු කොරියාවේ ආයුධ සංවර්ධනය ආත්මාරක්ෂාව සඳහා ගන්නා ක්‍රියාමාර්ගයක් බව ඔහු අවධාරණය කරයි.

"අපි යුද්ධය ගැන කිසිවෙකු සමග සාකච්ඡා කරන්නේ නැහැ. ඒ වෙනුවට ජාතික ස්වෛරීභාවය ආරක්ෂා කිරීම සඳහා යුද්ධ වළක්වාලීම වැඩි කිරීම අපේ ප්‍රතිපත්තියයි" ඔහු පැවසීය.

වොෂිංටනයෙන් ප්යොංයැං කෙරෙහි සතුරු හැඟීම් නොමැති බව ප්‍රකාශ කළද, එහි අඛණ්ඩ "වැරදි විනිශ්චයන් සහ ක්‍රියාවන්" හමුවේ එම ප්‍රකාශයන් විශ්වාස කිරීමට අපහසු බව කිම් වැඩිදුරටත් පැවසීය.