ඉන්දියාව හා යුරෝපා සංගමය නිදහස් වෙළඳ ගිවිසුමකට එයි

දශක දෙකකට ආසන්න කාලයක් තිස්සේ පැවති සාකච්ඡාවලින් පසු යුරෝපා සංගමය සහ ඉන්දියාව සන්ධිස්ථානීය නිදහස් වෙළඳ ගිවිසුමක් ප්‍රකාශයට පත් කිරීමට නියමිතව තිබේ. ඇමෙරිකා එක්සත් ජනපදය විසින් දෙපාර්ශ්වයට ඇති කර ඇති පීඩනය මධ්‍යයේ  ඉන්දියාව හා යුරෝපය මෙම ගිවිසුමට අත්සන් කිරීමට නියමිතය.

ඉන්දියාවේ වාණිජ ලේකම් රාජේෂ් අගර්වාල් සඳුදා පැවසුවේ ගිවිසුම සම්බන්ධයෙන් සාකච්ඡා අවසන් කර ඇති බවත් ගනුදෙනුව අවසන් කර ඇති බවත්ය.

යුරෝපීය කොමිසමේ සභාපති උර්සුලා වොන් ඩර් ලේන් සහ යුරෝපීය කවුන්සිලයේ සභාපති ඇන්ටෝනියෝ ලුයිස් සැන්ටොස් ඩා කොස්ටා මේ වන විට දිල්ලියේ සිටින අතර එහිදී ගිවිසුම නිවේදනය කිරීමට නියමිතය.

ඉන්දියාව සහ යුරෝපා සංගමය යන දෙකම එක්සත් ජනපදයේ ආර්ථික හා භූ දේශපාලනික පීඩනයට මුහුණ දීම සඳහා ලෝකයේ සෙසු රටවල් සමඟ උපායමාර්ගික සහ වෙළඳ සබඳතා ශක්තිමත් කිරීමට උත්සාහ කරති.