අවුන් සාන් සූ කී නිවාස අඩස්සියට

 මියන්මාරයේ හිටපු නායිකා අවුන් සාන් සූ කී නිවාස අඩස්සියට පත් කර ඇති බව එරට රාජ්‍ය මාධ්‍ය වාර්තා කර තිබේ.

80 හැවිරිදි නොබෙල් ත්‍යාගලාභී ඇය 2021 දී හමුදා කුමන්ත්‍රණයකින් ධුරයෙන් ඉවත් කළ දා සිට - බොහෝ විට අගනුවර වන නේ පි ටෝ හි හමුදා බන්ධනාගාරයක - රඳවා තබා ගෙන සිටියේය.

කුමන්ත්‍රණයට නායකත්වය දුන් හමුදා නායක මින් අවුන් හ්ලයිංගේ ප්‍රකාශයක සඳහන් වූයේ, ඔහු "ඇගේ ඉතිරි දඬුවම 
නියම කරන ලද නිවසේ ගත කිරීම සඳහා අඩු කර ඇති" බවයි.

මියන්මාරයේ එවකට පාලකයින් ප්‍රජාතන්ත්‍රවාදී ප්‍රතිසංස්කරණ හඳුන්වා දීමෙන් පසු අවුන් සාන් සූ කී 2015 දී බලයට පත් විය. මීට පෙරද ඇය වසර 15 කට වැඩි කාලයක් නිවාස අඩස්සියේ තබා තිබුණි.

ඇගේ පුත් කිම් අරිස් පැවසුවේ නිවේදනය ගැන තමා සැක කරන බවත් ඇය ජීවතුන් අතර සිටින බවට සාක්ෂි පවා ඔහු සතුව නොමැති බවත්ය. ඔහු පැවසුවේ එම ඡායාරූපය 2022 දී ගන්නා ලද බැවින් එය "අර්ථ විරහිත" බවයි.

"මෙය සත්‍යයක් යැයි මම හිතනවා. ඇයව වෙනත් ස්ථානයකට ගෙන ගොස් ඇති බවට කිසිදු සැබෑ සාක්ෂියක් මා 
තවමත් දැක නෑ." ඔහු බීබීසීයට පැවසීය.