ෂාරුගේ නව තරුව

ඉදිරියේදී තිරගත වීමට නියමිත ෂාරුක් ඛාන්ගේ නවතම චිත්‍රපටය වන 'ෆෑන්' චිත්‍රපටය පිළිබඳව බොහෝ දෙනාගේ අවධානය යොමුව ඇත. එයට හේතුව වන්නේ එහි විශේෂාකාරයේ රංගනයක යෙදෙන ෂාරුක් සහ ඒ සඳහා දායක වී ඇති නවක තරුව නිසාය.

Waluscha de Sousa නම් වූ ඇය ඉන්දියාවේ ඉමහත් ජනප්‍රියත්වයට පත් නිරූපිකාවකි. මෙය ඇයගේ පළමු සිනමා ආගමනයයි. ඇය මේ දිනවල ඇගේ ට්විටර් ගිණුම හරහා 'ෆෑන්' චිත්‍රපටය අතරතුරදී ගනු ලැබූ ඡායාරූප පළකර තිබේ. ඇය තම ට්විටර් ගිණුම ඔස්සේ පවසා සිටියේ ඇය රංගනයෙන් දායක වූ පළමු චිත්‍රපටයේදීම ඉන්දියාවේ සුපිරි නළුවෙකු සමග දායක වීමට වරම් ලැබීම බොහෝ සතුටට කරුණක් බවයි. 

ඇය දායක වූ වෙළෙඳ දැන්වීම් වලින් බොහෝ ජනප්‍රියත්වයක් ලබා ඇත්තේ Hyundai සහ ෂාරුක් ඛාන් සමග දායක වූ Pepsi වෙළෙඳ දැන්වීමයි. නිරූපණ ක්ෂේත්‍රයට අමතරව මනෝවිද්‍යාව පිළිබඳව උපාධියක් හදාරන අතර, ඇය වැඩි වශයෙන් නිරූපණයේ යෙදෙන්නේ ඉන්දියාවේ ජනප්‍රියත්වයට පත් ඡායාරූප ශිල්පියෙකු වන රොහාන් සිපී සමගය. 

ඔහු විසින් කරනු ලැබූ කෙටි චිත්‍රපටයක් සඳහා දායක වූ මැයට, 'ෆෑන්' චිත්‍රපටයට රංගනයට වරම් හිමිවන්නේද එමගිනි. ඇය 2002 වර්ෂයේදී ඉන්දියානු නළු Marc Robinson සමග විවාහ වූ අතර, 2013 වර්ෂයේදී ඔවුන් වෙන්වී ඇත. 2000 වර්ෂයේදී මිස් ෆෙමිනා ඉන්දියා තරගය සඳහාද තරග කර ඇති නමුත්, එහිදී ඇයට ජයග්‍රහණයක් ලබා ගැනීමට නොහැකි වී ඇත. 

ෂාරුක් ඛාන් සමග මෙම සිනමාපටයේ රංගනයෙන් දායක වීම සඳහා ඇයට මාස 03ක පුහුණුවක් ලබා දී ඇති බවද කියවේ. කෙසේ වුවත් සිය පළමු චිත්‍රපටය සඳහා රසික ප්‍රතිචාර හිමි වීමට ඉඩ ඇති බව ඇගේ විශ්වාසයයි.