මිලී සයිරස්ගෙන් වෙනස් වැඩක්

සුප්‍රකට ඇමෙරිකානු ගායිකා මිලී සයිරස් ඇමෙරිකානු සුප්‍රකට රොක් සංගීත කණ්ඩායමක් වන The Flaming Lips සංගීත කණ්ඩායම සමග අපූරු කටයුත්තකට සූදානම් වන බව Instagram සමාජ ජාල වෙබ් අඩවිය ඔස්සේ ප්‍රකාශයට පත්කර තිබිණි.

ඒ ඔවුන් එක්ව සම්පූර්ණයෙන්ම නිරුවත් සංගීත ප්‍රසංගයක් පැවැත්වීමට සූදානම් වන බවයි. මේ සඳහා සහභාගී වන ප්‍රේක්ෂකයන්ගෙන්ද නිරුවත්ව සහභාගී වන ලෙස මිලී ඉල්ලීමක් කරන අතර, මෙම සංගීත ප්‍රසංගයේ සුවිශේෂත්වයක් ලෙස මෙහි සංගීතය සපයන්නන්, ඉදිරිපත් කරනන්නන් මෙන්ම ප්‍රේක්ෂකාගාරයද සම්පූර්ණයෙන්ම නිරුවත් සංගීත ප්‍රසංගයක් පැවැත්වීමට නියමිත බව වාර්තා වේ. 

The Flaming Lips සංගීත කණ්ඩායමේ ප්‍රධාන ගායක Wayne Coyne විසින් ඔහුගේ ඉන්ස්ටග්‍රෑම් ගිණුම වෙත තම සංගීත කණ්ඩායමේ සහ සයිරස්ගේ උඩුකය නිරුවත් ඡායාරූපයක් නිකුත් කරමින් ඔවුන් මේ සඳහා සංගීතය සැපයීමට සූදානම් බවද දක්වමින් වැඩිදුරටත් මෙම ප්‍රසංගය පිළිබද ප්‍රකාශයට පත්කොට ඇත. 

කෙසේ නමුත් මෙම ඔවුන්ගේ මෙම සංගීත ප්‍රසංගය පැවැත්වීමට නියමිත ස්ථානය සහ දිනය තවමත් ප්‍රකාශයට පත්කර නොමැති අතර, එය ඔවුන් සයිරස්ගේ අභිනවයෙන් එළිදක්වන ලද Miley Cyrus & Her Dead Petz ගීත ඇල්බමයේ ප්‍රචාරණ කටයුතු උදෙසා නොවැම්බර් 19 වැනිදා චිකාගෝ නගරයෙන් ආරම්භ කොට දෙසැම්බර් 06 වැනිදා බොස්ටන් නගරයෙන් අවසාන කිරීමට නියමිත The Flaming Lips සංගීත කණ්ඩායම සමග ආරම්භ කිරීමට නියමිත බව වාර්තා වෙයි. 

කෙසේ නමුත් විවිධ වූ අසාමාන්‍ය ප්‍රයත්නයන් යොදමින් ප්‍රේක්ෂකයන් ග්‍රහණය කිරීමට තැත් කරන මිලී 2013 වර්ෂයේදීද ඇය නිකුත් කරන ලද සංයුක්ත තැටිය සඳහා ඇගේ රසිකයන් අමන්දානන්දයට පත් කිරීමේ අරමුණ ඇතිව යොදාගත් ප්‍රයත්නයක් ලෙස නිරුවත් රංගනයක යෙදුණු අතර, එම වීඩියෝවද ඇයගේ රසිකයන් මෙන්ම විවේචකයන් පුදුමයට පත්කරනු ලැබීය. මෙම ප්‍රසංගයද කෙසේ හෝ පැවැත්වීමෙන් පසු මෙවරද ඊට නොදෙවෙනි ලෙස ආන්දෝලනයක් ඇති  කිරීමට හැකි බවද වාර්තා වෙයි. 

අනූෂි දන්තනාරායන