පානදුර චේම්බර් ඇකඩමි විවෘත කෙරේ

ශ්‍රී ලංකා වානිජ හා කර්මාන්ත මණ්ඩල සම්මේලනය හා කළුතර දිස්ත්‍රික් වාණිජ, කර්මාන්ත හා කෘෂිකර්මාන්ත මණ්ඩලය එක්ව පිහිටවනු ලැබූ පානදුර චේම්බර් ඇකඩමි ආයතනය පෑන් ඒෂියා ගොඩනැගිල්ල, 3 වැනි මහල, අංක 506 1/3, ගාලු පාර, පානදුර යන ස්ථානයේදී විවෘත කර තිබේ.

කළුතර දිස්ත්‍රික්කය තුළ ව්‍යාපාරික කටයුතුවල නිරත වී සිටින ව්‍යාපාරිකයන්ගේ හා සේවකයන්ගේ මෙන්ම රැකියා අපේක්ෂාවෙන් සිටින පාසල් අධ්‍යාපනය නිමා කරනලද දරු දැරියන්ගේ රැකියා අවස්ථා පිළිබඳ දැනුම වර්ධනය කිරීම සදහා පුහුණු වැඩසටහන් හා පාඨමාලා පැවැත්වීම මෙහි ප්‍රධාන අරමුණ බව ඔවුහු පවසති.

ශ්‍රී ලංකා වාණිජ හා කර්මාන්ත මණ්ඩල සම්මේලනයේ හා කළුතර දිස්ත්‍රික් වාණිජ, කර්මාන්ත හා කෘෂිකර්මාන්ත මණ්ඩලයේ නියෝජිතයන් හා කළුතර දිස්ත්‍රික්කය තුළ ව්‍යාපාරික කටයුතුවල නියැලී සිටින ව්‍යාපාරිකයන් රැසක් මෙම අවස්ථාවට සහභාගී වූ බවත් ඔවුහු වැඩිදුරටත් පවසති.