ඔපෙක් තෙල් බැරල් මිලියන 1.2ක් කපා හරී - මිල ඉහළට

ඛනිජ තෙල් අපනයනය කරන රටවල සංවිධානය හෙවත් ඔපෙක් සංවිධානය විසින් තෙල් සැපයුම දිනකට තෙල් බැරල් මිලියන 1.2ක් කපා හැරීමට තීරණය කිරීමත් සමග බොරතෙල් මිලෙහි ඉහළ යෑමක් වාර්තා වෙයි.

ඔපෙක් සංවිධානයට අයත් රටවල් තෙල් බැරල් මිලියන 33.64 ක් දිනකට සපයන අතර, ඔවුන් මෙම නව එකඟත්වයට අනුව දිනකට තෙල් බැරල් මිලියන 1.2ක් කපා හැරීමට තීරණය කර තිබේ. ඒ අනුව, බොරතෙල් මිලෙහි 8% ක පමණ ඉහළ යෑමක් පෙන්නුම් කරන බව බ්ලූම්බර්ග් දත්ත පෙන්වයි.

දිනෙන් දිනම ලෝකයේ බොරතෙල් මිල පහළ යෑම මේ ආකාරයෙන් තෙල් සැපයුම කපාහැරීමේ තීරණයට හේතුව බව කියැවෙයි.