Cinnamon Sri Lanka තරගය 2017 දියත් වෙයි

ඔබේම ඡායාරූපයෙන් ශ්‍රී ලංකාව දැකීමට අවස්ථාව සලසන මෙරට දැවැන්තම සංචාරක ගමනාන්ත වැඩසටහනක් වන 'Cinnamon Sri Lanka ඡායාරූප තරගය 2017' සිනමන් හොටෙල්ස් ඇන්ඩ් රිසෝට්ස් විසින් පසුගියදා දියත් කරන ලදී.

මෙම තරගය ශ්‍රී ලංකාවේ විශාලතම ඡායාරූප බැංකුව නිර්මාණය කිරීම සඳහා ජනතාවගේ මූලාශ්‍ර එක්රැසක් කිරීමට ගනු ලබන උපාය මාර්ගික උත්සාහයක එක් පියවරක්ද වන අතර, ඊට සමගාමීව බොහෝදෙනා කැමැත්තක් දක්වන සංචාරක ගමනාන්තයක් ලෙස මෙරට ප්‍රතිරූපයද මේ මගින් ඉහළ නැංවෙනු ඇති බව කියයි. මෙම තරගය නිසැකවම ලොව පුරා ආධුනික සහ වෘත්තීය ඡායාරූප ශිල්පීන් සහ වීඩියෝකරණ ශිල්පීන් ආකර්ෂණය කරගැනීමට සමත්වනු ඇති අතර, ඔවුන්ට 'Cinnamon Sri Lanka වසරේ ඡායාරූප ශිල්පියා' ශූරතාව හිමිකර ගැනීඹ ටතම ඡායාරූප සහ වීඩියෝ නිර්මාණ ඉදිරිපත් කිරීම සඳහා මෙය දකිම අවස්ථාවක් වනු ඇති බවද ඔවුහු පවසති.

මේ පිළිබඳව අදහස් දක්වමින් සිනමන් හොටෙල්ස් ඇන්ඩ් රිසෝට්ස් සන්නාම අලෙවිකරණ ප්‍රධානී දිලීප මුදදෙනිය මහතා, &මෙරට පැවැත්වීමට නියමිත ජනතාවගේ මූලාශ්‍රවලින් පවත්වනු ලබන මේ ආකාරයේ දැවැන්තම සංචාරක ගමනාන්ත වැඩසටහන වන 'Cinnamon Sri Lanka ඡායාරූප තරගය' සාර්ථක කිරීම තුළින් මෙම ප්‍රවර්ධන වැඩසටහන ඔස්සේ ජාතික සංචාරක ප්‍රයත්නයන් සඳහා වැඩිදුරටත් උපකාර කිරීමට මෙන්ම, ඕනෑම සංචාරකයෙකුගේ බලාපොරොත්තු සඵල කරවන වසරේ ඕනෑම කාලයක සංචාරයේ යෙදිය හැකි ගමනාන්තයක් ලෙස ශ්‍රී ලංකාව ජනප්‍රිය කරවීම සඳහාද හැකියාව උදාවනු ඇති* යැයි පවසා සිටියේය.

තරගය සඳහා අවශ්‍ය සියලු තොරතුරු සිනමන් හොටෙල්ස් ඇන්ඩ් රිසෝට්ස් වෙබ් අඩවිය ඔස්සේ ලබාගැනීමට හැකි අතර, 2014 ජනවාරි 01දා සිට ශ්‍රී ලංකාව තුළදී ඡායාරූපයට නඟනලද ඡායාරූප සහ වීඩියෝ දර්ශන මේ සඳහා යොමුකළ හැකි බවද ඔවුහු පවසති.