Cinnamon අවුරුදු සැමරුම් මෙවරත්

සතුට බහුලව විසුරුවාලන සම්ප්‍රදාය මුසු වූ සුවිශේෂී උත්සවයක් වෙනුවෙන් සිනමන් හොටෙල්ස් ඇන්ඩ් රිසෝට්ස් අවුරුදු සැමරුමක් පිරිනැමීමට සූදානම් වෙයි. මෙහිදී, ආගන්තුකයන්ට ශ්‍රී ලාංකේය සංස්කෘතිය, විනෝදාස්වාදයන් සහ ආගන්තුක සත්කාර ඇතුළු බොහෝ දේ විඳගැනීමට හැකි අතර, වෙරළ හෝ ගඟ අද්දර වේවා හෝ කඳුකරයේ වේවා සිනමන් නිවාඩු නිකේතනවල නවාතැන් ගන්නා ආගන්තුකයන්ට උපරිම සතුටක් ලබාදෙන අවුරුදු උත්සව හා සත්කාර සඳහා සහභාගි වන ලෙස ඔවුන් ආරාධනා කර සිටියි.

සිනමන් හොටෙල්ස් ඇන්ඩ් රිසෝට්ස් පෙන්වා දෙන්නේ ඒ සියලු නිවාඩු නිකේතනවල උත්සවශ්‍රීයෙන් යුතුව සිංහල හා දමිළ අලුත් අවුරුදු සැමරුම් සිදුවන බවයි. වඩාත් මතකයේ රැඳෙන අවුරුදු සිරියක් සඳහා මුළු දවස පුරාම, සංස්කෘතිකමය වශයෙන් බොහෝ ආකර්ෂණීය ඉසව් සහ ක්‍රීඩා සමගින් රසවත්, සම්ප්‍රදායික නවීන උලෙළක අසිරිය විඳගැනීම සඳහා ආගන්තුකයන්ට අවස්ථාව උදාවන බවද ඔවුහු පවසති.

නව අවුරුදු සැමරුම වෙනුවෙන් හබරණ විලේජ් බයි සිනමන් සහ සිනමන් ලොජ් හබරණ සංස්කෘතික ත්‍රිකෝණයේ විශිෂ්ට රස මුසු වූ ඉස්තරම් සාම්ප්‍රදායික සහ රස නහර පිනවන බුෆේ ආහාර වේලක් පිරිනැමීමට කටයුතු යොදා තිබේ. මේ අතර සිනමන් වයිල්ඩ් යාල හිදී ගැමි සුවඳ සමග ඉතා ආකර්ෂණීය අවුරුදු සැමරුමක් හෝටලයට මායිම් වූ යාල වනෝද්‍යානයේ ත්‍රාසය මුසු වූ සුන්දරත්වයද එක්කොට ගනිමින් ‘සමරන බව ඔවුහු පෙන්වා දෙති.

එමෙන්ම, බෙන්තොට බීච් බයි සිනමන් හිදී ආරච්චිගෙදර, ගම ගෙදර, කෝපි කඩේ, කම්මල සහ කමත ආදියෙන් සමන්විතව 'අන්දරවැට’ බවට පරිවර්තනය වනු ඇති බවත්, මෙහි පැමිණෙන ආගන්තුකයන් වෙනුවෙන් රබන් ගැසීම, රබන් පද ගැයීම, රස කැවිලි භෝජන සංග්‍රහ සහ අවුරුදු ක්‍රීඩා සඳහා සහභාගි වීම ඇතුළු ක්‍රියාකාරකම් රැසක් සූදානම් කොට ඇති බවත් කියැවේ. මේ අතර, හික්කා ට්‍රාන්ස් බයි සිනමන් හිදී ළමයින් මෙන්ම වැඩිහිටියන් සඳහා සම්ප්‍රදායික කී‍්‍රඩා රැසක් සමගින් අවුරුදු සැමරීම සිදුවන බවද ඔවුහු පවසති.

එමෙන්ම, කොළඹට ඉතා සමීප සිනමන් බේ බේරුවල වෙත පැමිණෙන ආගන්තුකයන්ට නවීනත්වය මුසුවූ රසවත් ආහාර සහ අලුත් අවුරුද්ද තවත් ඔප්නංවන ක්‍රියාකාරකම් රැසක් අත්විඳීමට හැකි බවද ඔවුහු පෙන්වා දෙති. මීට අමතරව, ට්‍රින්කො බ්ලූ බයි සිනමන් සහ සිනමන් සිටඩෙල් කැන්ඩි හිදීද උත්කර්ෂවත් අලුත් අවුරුදු සැමරුම් සිදුවන බව සිනමන් හොටෙල්ස් ඇන්ඩ් රිසෝට්ස් වැඩිදුරටත් පවසා සිටියි.