වසංගතය උත්සන්න වීම නිසා කියුබාවට චීන වෛද්‍ය ආධාර

ආසාදිතයන්, මරණ සහ රෝහල්ගතවීම් තියුණු ලෙස වැඩි වෙමින් කියුබාවේ වසංගතය උත්සන්න වීම නිසා, කොවිඩ්-19 පැතිරීම වැළැක්වීමට චීන රජය විසින් පරිත්‍යාග කරන ලද වෛද්‍ය උපකරණ තොගයක් කියුබාවට ලැබී තිබුණි.

වෛද්‍ය සැපයුම් අතරට මෑතකදී චීනය විසින් පරිත්‍යාග කරන ලද වෙන්ටිලේටර්ස් සහ ඔක්සිජන් සාන්ද්‍රක මෙන්ම, ඇන්ටිජන් පරීක්ෂණ කට්ටල, ශල්‍ය අත්වැසුම් සහ ආරක්ෂිත ඇඳුම් කට්ටලද ඇතුළත් වේ.

මෙම ආධාර තුලින් චීනය සහ කියුබාව කොවිඩ්-19 වසංගතයට එරෙහි සටනේදී අන්‍යෝන්‍ය සහයෝගිතාව ප්‍රකාශ කරන අතර, දෙරට අතර ශක්තිමත් සබඳතා සහ මානව වර්ගයාගේ ඒකාබද්ධ අනාගතයක් සහිත ප්‍රජාවක් යන සංකල්පය ක්‍රියාත්මක කිරීමට දරන උත්සාහය පිළිබිඹු වන බව චීන තානාපති පැවසීය කියුබාවේ මා හුයි හවානාහි ජෝස් මාර්ති ජාත්‍යන්තර ගුවන් තොටුපලේදී සඳහන් කළේය.

එසේම මෙම පරිත්‍යාගය ජාත්‍යන්තර ප්‍රජාවට ආදර්ශයක් බවත්, කියුබාවට පමණක් නොව අවශ්‍යතා ඇති රටවලට චීනය උදව් කරන බවත් කියුබානු විදේශ වෙළඳ හා ආයෝඡන ඇමති රොඩ්රිගෝ මැල්මියර්කා පැවසුවේ, කොවිඩ්-19 අර්බුදය මැඩපැවැත්වීම සඳහා රජයන් එකට වැඩ කළ යුතු බවද අවධාරණය කරමිනි.

කියුබාවේ කොවිඩ්-19 ආසාදිතයන් 634,161ක් සහ මරණ 5,067ක් වාර්තා වී ඇතැයි මහජන සෞඛ්‍ය අමාත්‍යාංශය සෙනසුරාදා වාර්තා කළේය.