පෘතුගාලය අප්‍රේල් 15 දක්වා සංචාරකයන්ට දොර වසයි

කොවිඩ්-19 ආසාදිතයන් වැඩිවීම හේතුවෙන් පෘතුගාලය සංචාරකයන් සඳහා දේශ සීමාව වසා දැමීම අප්‍රේල් 15දා දක්වා දීර්ඝ කිරීමට තීරණය කර ඇති බව එරට අභ්‍යන්තර කටයුතු අමාත්‍යාංශය පවසයි.

නව දෛනික ආසාදන 16,500ක් පමණ වනවිට ජනවාරි අග දී පනවන ලද මෙම පියවර නිසා ස්පාඤ්ඤය සමග සිදුකරන මාර්ග හා ගංගා මායිම් හරහා ගමන් කිරීමට බලපායි.

භාණ්ඩ, දේශසීමා සේවකයින් සහ හදිසි සේවා ගමන් කිරීම සඳහා දේශසීමා විවෘතව ඇත.

මේ අතර කෞතුකාගාර, පාසල් සහ අවන්හල් නැවත විවෘත කිරීමත් සමග මාර්තු මැද භාගයේ සිට දැඩි ලෙස පීඩාවට පත් පෘතුගාලය මාස දෙකකට පෙර දියත් කළ සාමාන්‍ය අගුලු දැමීම ක්‍රමයෙන් ලිහිල් කර තිබේ.