ඇමෙරිකාවේ කොරෝනා මරණ 106,000 ඉක්මවයි

එක්සත් ජනපදයේ අවම වශයෙන් නව කොවිඩ්-19 ආසාදිතයන් 20,461ක් සහ මරණ 1,015ක් අඟහරුවාදා වාර්තා කර ඇති බව ජෝන්ස් හොප්කින්ස් විශ්ව විද්‍යාලය පවසයි.

වෛරස් ආශ්‍රිත මරණ 106,181ක් මේ වනවිට ඇමෙරිකාවෙන් වාර්තා වන අතර, අවම වශයෙන් ආසාදිතයන් 1,831,821ක් රට පුරා වාර්තා වන බවද එම දත්ත පෙන්වා දෙයි.

එරට ප්‍රාන්තවල ප්‍රාන්ත 50න්, කොලොම්බියා දිස්ත්‍රික්කයේ සහ අනෙකුත් එක්සත් ජනපද බලප්‍රදේශවල ආසාදිත අගයන් මෙන්ම නැවත ඇමෙරිකාවට ගෙන්වා ගත් ආසාදිතයන්ද මීට ඇතුළත් ය.

එක්සත් ජනපද වසංගතයේ කේන්ද්‍රස්ථානය වන නිව්යෝක් ප්‍රාන්තයේ ආසාදිතයන් 373,000කට වැඩි පිරිසක් සහ මරණ 30,000කට ආසන්න සංඛ්‍යාවක් වාර්තා වී තිබේ.