Ceylon Tea, 150 වැනි සංවස්තරය සැමරීම වෙනුවෙන් ශ්‍රී ලංකා මහ බැංකුව සමරු කාසියක් නිකුත් කිරීම අද (12දා) ශ්‍රී ලංකා මහ බැංකුවේදී පැවැත්විණි.

ශ්‍රී ලංකාවේ ඉතා වැදගත් සහ දීර්ඝ කාලීන අපනයනික වෙළෙඳ භාණ්ඩයක් ලෙස ජාතික ආර්ථිකයට සිදුකරන ලද දායකත්වය සලකා එහි 150 වැනි සංවත්සරය සැමරීම වෙනුවෙන් නිකුත් කෙරුණු මෙම සමරු කාසිය රු.10ක මුහුණත වටිනාකමකින් යුතුය.

මෙහි පළමු වැනි කාසි කාණ්ඩය මහ බැංකු අධිපති ආචාර්ය ඉන්ද්‍රජිත් කුමාර්ස්වාමි මහතා විසින් මුදල් හා ජනමාධ්‍ය අමාත්‍ය මංගල සමරවීර සහ වැවිලි කර්මාන්ත අමාත්‍ය නවීන් දිසානායක යන මහත්වරුන් වෙත නිල වශයෙන් පිළිගැන්වීය.

ඡායාරූප ඉසුරු පෙරේරා