හමාස් සංවිධානය යටතේ ගාසා තීරයේ වසර දෙකකට වැඩි කාලයක් සිරගතව සිටි ප්‍රාණ ඇපකරුවන් 20 දෙනාම දැන් ඊශ්‍රායලයට පැමිණ ඇති බව ඊශ්‍රායල හමුදාව තහවුරු කරයි

2023 ඔක්තෝබර් 7 වන දින මෙම ප්‍රාණ ඇපකරුවන් හමාස් විසින් පැහැර ගන්නා ලදී. මෙසේ නිදහස් වූ ප්‍රාණ ඇපකරුවන් අතර  28 හැවැරිදි නිවුන් සහෝදරයන් දෙදෙනෙක්වන සිව් සහ ගාලි බර්මන් ද වෙති.

ප්‍රාණ ඇපකරුවන් වෙනුවට, ඊශ්‍රායලය පලස්තීන සිරකරුවන් 250 ක් සහ රැඳවියන් 1,700 කට වැඩි පිරිසක් නිදහස් කිරීමට නයිමිතය. මෙයින් පළමු කණ්ඩායම ඊශ්‍රායල බන්ධනාගාරවලින් පිටව ගොස් ඇත.

මේ වන විට ඇමෙරිකානු ජනාධිපති ඩොනල්ඩ් ට්‍රම්ප් ප්‍රමුඛ පිරිසක් ඊශ්‍රායලයේ සංචාරයකද නිරතව සිටියි. ඇමෙරිකානු ජනපතිවරයා අද දිනයේදී ඊශ්‍රායෙල පාර්ලිමේන්තුවද ඇමතීමට නියමිතය.ඉන්පසු ඔහු ලෝක නායකයින් සමඟ සාම සමුළුවක් සඳහා ඊජිප්තුවට ගමන් කිරීමට නියමිතය.