මේ දිනවල පවතින වැසි රහිත කාලගුණික තත්ත්වය නිසාවෙන් කලා බළලු වැවේ ජලය විශාල වශයෙන්ම සිඳී ගොස් තිබේ ,සිදී ගිය වැව් තාවුල්ලේ සරුසාරව බෙරු තණ වැඩීමත් සමඟ අලි ඇතුන් තුන් සියයකට අධික පිරිසක් මේ දිනවල කලා බළලු වැවේ තෘණ උලා කෑම දැකගැනීමට හැකි වී තිබේ.

උදෑසන දහයට පමණ ස්ථාන කිහිපයකින් කලා බලලු වැවට ඇතුළුවන ලොකු කුඩා මහලු  වන අලින් සහ ඇතුන් දවස පුරා වැව් පිට්ටනියේ ඇවිදිමින් තම පාදයෙන් බෙරු තන ගලවාගෙන වැලි ඉවත් කොට ආහාරයට ගනී , සවස් වන විට මෙම කණ්ඩායම් කලා බලලු වැවේ වතුර බීපු නැවතත් ස්ථාන මාරු කර ගනිමින් ආහාර ගැනීම සිදුකරති.

මෙම අලි ඇතුන් වැව් පිටියේ ඉතා සතුටින් සිටින දසුන් ද දැකගැනීමට හැකිය

බෝව තැන්න ජලාශ භාර ඉංජිනේරු බුද්ධික මහේෂ් නවරත්න මහතා සඳහන් කළේ මේ දිනවලින් කලා වැවේ බළලු වැවේ මෙන්ම කණ්ඩලම ජලාශය ද ජලය සීඝ්රයෙන් අඩුවෙමින් පවතින බවය.

  වැව් තාවුල්ලේ  බොහෝ දුරට සෑම වසරකම වන අලින් විශාල වශයෙන්ම පැමිණෙන බවත්  අනීතිකව වැව්තාවුල්ල භාවිතා කිරීම අනවසරයෙන් වැව්තාවුල්ලේ රැඳී සිටීම සඳහා කිසිදු අවසරයක් නොමැති බවත් ඉතා අනාරක්ෂිතව වන අලින් ඇතුන් නැරඹීම සඳහා වැව්තාවුල්ලට නොඑන ලෙසද ජනතාවගෙන් ඒ මහතා ඉල්ලීමක්ද කරන්නට විය.

වන අලින් බැලීම සඳහා අවශ්ය නම් වහාම වනජීවී නිලධාරින් හමුවී වනජීවී නිලධාරීන් සහ මග පෙන්වන්නන් සමඟ පමණක් වැව්  තාඋල්ලට ඇතුළු වීමට අවසර ලබා දී ඇතැයිද හෙතෙම සඳහන් කළේය,  එසේ නොවන්නට මෙම වන අලින් ඇතුන් නැරඹීම සඳහා පෞද්ගලික වාහනවලින් පයින් හෝ ගමන් නොකරන්නැයි  ඉල්ලීමක්ද කළේය.