ෆේස්බුක්, වට්ස්ඇප් හා ඉන්ස්ටග්රෑම් සමජ මාධ්ය වේදිකා හිමි මෙටා සමාගම හෙට දිනයේ සිට සමාගමේ අනාගතය සම්බන්ධයෙන් වන තීරණාත්මක ජූරි නඩු විභාගයකට මුහුණ දීමට නියමිතය.
මෙටා සමාගමේ සමාජ මාධ්ය වේදිකා සම්බන්ධයෙන් ගොනු කළ නඩු දිගින් දිගටම සමාගම පරාජය වෙමින් පවතින අවස්ථාවක මෙම ජූරි නඩුවද පරාජය වුවහොත් එය සමාගමේ සමාජ මාධ්යයන්හි තීරණාත්මක වෙනසකට මග පාදනු ඇති බව ජාත්යන්තර මාධ්ය වාර්තා කරයි.
මෙම නඩු විභාගය 2023 දී කැලිෆෝනියා සහ නිව්යෝර්ක් ඇතුළු එක්සත් ජනපද ප්රාන්ත 30 ක් විසින් ගොනු කරන ලද නඩුවකින් ආරම්භ වන අතර, එහිදී සමාගම ළමුන් සඳහා ෆෙඩරල් සහ රාජ්ය රහස්යතා නීති රාශියක් උල්ලංඝනය කර ඇති බවට චෝදනා කරයි.
මෙටා වෙතින් ඩොලර් ට්රිලියන 1 කට වඩා වැඩි මුදලක් වන්දි ඉල්ලා සිටින ප්රාන්ත පමණක් නොව, ඉන්ස්ටග්රෑම් සහ ෆේස්බුක් වෙත වෙනස්කම් කරන ලෙසද ඔවුන් ඉල්ලා සිටියි.
මෙහිදි සමාජ මාධ්ය තුළ පළකරන පොස්ටු වෙනුවෙන් "කැමත්ත" ප්රකාශ කිරීමට ඇති අවස්ථාවද අහිමි කරන ලෙස ඉල්ලා තිබේ.
මෙටා සමාගම මෙම නඩුවෙන් පරාජයට පත් වුවහොත්, එය තරුණයින් සමාජ මාධ්ය අත්විඳින ආකාරය කෙරෙහි මූලික වෙනස්කම් ඇති කෙරෙනු ඇත.
මෙම නඩුව හරහා සමාජ මාධ්ය වේදිකාවල වල තවත් වෙනස්කම් ඉල්ලා සිටින අතර,
නව යොවුන් වියේ පරිශීලකයින් සඳහා දෙමාපිය සත්යාපන ක්රියාවලියක් ක්රියාත්මක කිරීම
එහි "ඩොපමයින්-හැසිරවීමේ ඇල්ගොරිතම" වෙනස් කිරීම
වීඩියෝ අන්තර්ගතයේ ස්වයංක්රීය දිගින් දිගටම ක්රියාත්මක විම අවසන් කිරීම
බහු ගිණුම් නිර්මාණය කිරීම තහනම් කිරීම යන කරුණු ඇතුළත් වෙයි.
Leave a Reply