ශ්‍රී ලංකාවේ ජීවිත රක්ෂණ වෙළඳපල ප්‍රමුඛයා වන සෙලින්කෝ ලයිෆ් දැන් සියලුම ශ්‍රී ලාංකිකයින්ට සමාගමේ සුප්‍රසිද්ධ ෆැමිලි සවාරි අත්දැකීම දිනාගැනීම සඳහා තරඟ වැදීමට අවස්ථාව ලබාදීමට ‘Run for Savari’ අන්තර්ජාල ක්‍රීඩාව දියත්කර ඇත.

දශක දෙකකට ආසන්න කාලයක් පුරාවට ශ්‍රී ලාංකිකයන් බොහෝ දෙනෙකුට සෙලින්කෝ ලයිෆ් හි ෆැමිලි සවාරි පිළිබඳ අසන්නට පමණක් ලැබුණේ එය සෙලින්කෝ ලයිෆ් රක්ෂණ ඔප්පු හිමියන්ටම පමණක් ලැබුණු සුවිශේෂී අවස්ථාවක් නිසාය. නමුත් මෙවර ප්‍රථම වරට එම සුවිශේෂී සවාරියට එක්වන්නට ඕනෑම ශ්‍රී ලාංකිකයෙකුට සෙලින්කෝ ලයිෆ් ෆේස්බුක් සහ ඉන්ස්ටග්‍රෑම් පිටුවලට ප්‍රවේශ වී විනෝදයෙන් තරඟ කිරීමෙන් අවස්ථාවක් දිනාගත හැක.

දෙදෙනෙකුට සම්පූර්ණ වියදම් සමඟ මැලේසියා සංචාරයක් දිනා ගැනීමට මෙයින් අවස්ථාව ලැබේ. මේ සඳහා ක්‍රීඩාවට අවතීර්ණ වී, ලකුණු එකතු කර ගනිමින්, ජයග්‍රාහී නාම පුවරුවේ ඉහළටම යාමට හැකි වේ. 2025 දෙසැම්බර් 31 වැනි දින වනවිට ඉහළම ලකුණු ලබාගත් තැනැත්තා මැලේසියාවේ සවාරිය දිනා ගන්නා අතර ඉහළම ලකුණු ලබාගත් 100දෙනාගෙන් තෝරා ගන්නා තවත් හතර දෙනෙකුට ශ්‍රී ලංකාවේ සුපිරි හෝටලයක සම්පූර්ණ පහසුකම් සහිතව එක් රාත්‍රියක් සුවසේ ගත කිරීමට අවස්ථාව හිමි වන බව සමාගම පවසයි. තවද, සෑම සතියකම සතියේ ජයග්‍රාහකයාට 2025 දෙසැම්බර් 31 වැනිදා දක්වා රු.10,000ක් වටිනා සුපිරි වෙළෙඳසැල් වවුචරයක් බැගින් ගත හැකිය.

මෙම ෆැමිලි සවාරි අත්දැකීම වෙනුවෙන් තරඟ කිරීමට කැමති අයට සෙලින්කෝ ලයිෆ් හි ෆේස්බුක් හෝ ඉන්ස්ටග්‍රෑම් පිටු වෙත පිවිස Run for Savari ලින්ක් එක හරහා නොමිලේ එම ක්‍රීඩාවට පිවිසිය හැකියි. රක්ෂණ ඔප්පු හිමියෙක් වුවත් නැතත් ෆැමිලි සවාරියට එක් වීමට ඔවුන්ට ලැබෙන අනගි අවස්ථාව මෙයයි.

සෙලින්කෝ ලයිෆ් හි අධ්‍යක්ෂක සහ ප්‍රධාන මෙහෙයුම් නිලධාරී සමිත හේමචන්ද්‍ර මහතා පැවසුවේ, පාරිභොගිකයින්ගේ වැඩිම ආදරය දිනාගත් ෆැමිලි සවාරි වැඩසටහනට මෙම මුලපිරීම හරහා දඟකාර නවමු අරුතක් ලබාදෙන බවයි. “ෆැමිලි සවාරි තුළින් සැමවිටම බලාපොරොත්තු වූයේ අත්දැකීම් බෙදා හදාගැනීම හරහා ජනතාව එකමුතු කිරීමයි,” යනුවෙන් ඔහු පැවසීය. “Run for Savari නව ක්‍රියාදාමය සමඟින් අපි එම ප්‍රීතිමත් අත්දැකීම පුළුල් ප්‍රේක්ෂක පිරිසකට විවෘත කරනවා. සෙලින්කෝ ලයිෆ් රක්ෂණයක් නොමැති වුවද මෙම උද්යෝගකර අවස්ථාවට එක්වන ලෙස ශ්‍රී ලාංකික සැමට අප ආරාධනා කර සිටිනවා.”

වසර ගණනාවක් පුරාවට සෙලින්කෝ ලයිෆ් ෆැමිලි සවාරි තුළින් පවුල් 11,000කට වැඩි පිරිසකට, එනම් සමස්තයක් ලෙස 37,000කට වැඩි සංඛ්‍යාවකට ඔස්ට්‍රේලියාවේ සිට ජපානය දක්වාත්, ඉතාලියේ සිට චීනය දක්වාත්, මැලේසියාවේ සුන්දර වෙරළ තීරයේ සිට පර්ල් බේ හි විශ්මිත ස්ලයිඩ දක්වාත්, ලොව පුරා අමතක නොවෙන අපූරු අත්දැකීම් ලබාදී ඇත. සෙලින්කෝ ලයිෆ් හැරෙන්නට පවුලේ විනෝදාස්වාදය ගැන සිතන වෙනත් අයෙකු නැති බව සනාථ කරමින් මෙවර 19 වැනි සෙලින්කෝ ලයිෆ් ෆැමිලි සවාරි තුළින් චීනයේ බීජිං නුවර, මැලේසියාව සහ බණ්ඩාරගම පර්ල් බේ වෝටර් පාක් වෙත සියලු වියදම් දරන ලද සංචාර ලබාදීමට සමාගම සූදානම්ය.