ලෝක කුසලානය දිනාගැනීම කෙරෙහි තැබූ බලාපොරොත්තු ඊයේ (26දා) දිනයේදී පේරු රාජ්‍යය හමුවේ ලැබූ අනපේක්ෂිත පරාජය හේතුවෙන් අත්හැර ගැනීමට ඔස්ට්‍රේලියාවට සිදු විය.

ඔස්ට්‍රේලියාව 0-2 පේරු

රුසියාවේ සෝචිහි ෆිෂ්ට් ක්‍රීඩාංගණයේ පැවති මෙම තරගයෙන් ගෝල 2-0ක් ලෙස ජයගැනීමට පේරු රාජ්‍යය සමත් විය. මෙහිදී පේරු රාජ්‍යය වෙනුවෙන්  අන්ද්‍රේ කාරිලෝ 18 වැනි මිනිත්තුවේදී හා පාවුලෝ ගුරෙරෝ 50 වැනි මිනිත්තුවෙදීත් ගෝල රැස් කරගත්හ.  ඒ අනුව ‘’සී’ කාණ්ඩයෙන් ප්‍රංශය සහ ඩෙන්මාර්කය අවසන් 16 දෙනාගේ වටයට සුදුසුකම් ලැබීය.

ප්‍රංශය 0-0 ඩෙන්මාර්කය

එමෙන්ම ඊයේ පැවති 'සී’ කාණ්ඩයේ‍ අනෙක් තරගය වූ ප්‍රංශය සහ ඩෙන්මාර්කය අතර තරගය ජය පරාජයෙන් තොරව නිමාවට පත් විය. මෙම තරගය රුසියාවේ මොස්කව් නුවර ලුෂ්නිකි ක්‍රීඩාංගණයේදී නිමාවට පත් විය.