2018 ලෝක කුසලාන තරගාවලිය ආරම්භ කරමින් පැවැති පළමු තරගයෙන්ම සත්කාරක රුසියාව වාර්තා ගත ජයක් ලබා ගැනීම සමත්විය. ඒ සෞදි අරාබිය සමගින් පැවැති තරගයේදි ගෝල 5-0ක ජයක් වාර්තා කරමිනි.

ලෝක කුසලාන තරග ඉතිහාසයේ 1934 න් පසුව සත්කාරක රට තරගාවලිය ආරම්භකරමින් ක්‍රීඩා කරන තරගයේදී වාර්තා කළ විශාලම ජයග්‍රහණය ලෙස මෙය වාර්තා අතරට එක්විය.

එසේම රුසියාව පාපන්දු පිටියේ ජයක් වාර්තා කළේ පසුගිය වසරේ ඔක්තෝබර් මාසයෙන් පසුව වීමද විශේෂත්වයකි.

ලුෂ්නිකී ක්‍රීඩාංගණයේ පැවැති තරගය නැරඹීම සඳහා ප්‍රේක්ෂකයන් 78011ක් එක්ව සිතිබුණි.

රුසියාව වෙනුවෙන් ගනිස්කි (1), චෙරිෂෙව් (2), ඩයියුබා (1) හා ගොලොවින් (1) යනාදි ලෙස ගෝල වාර්තා කිරීමට සමත්විය.