ක්ලිෆර්ඩ් කුසලානය වෙනුවෙන් පැවැත්වෙන බොක්සිං තරගාවලිය අද (05දා) කොළඹ රාජකීය විදුහල් බොක්සිං පිටියේදී (රෝයල් මාස් 'ඇරීනා'හිදී) ආරම්භ විය.

මෙවර තරගාවලිය වෙනුවෙන් ක්‍රීඩා සමාජ 16කින් ක්‍රීඩක ක්‍රීඩිකාවෝ 165 දෙනෙක් සහභාගි වෙති. කාන්තා හා පිරිමි දෙයංශයෙන්ම පැවැත්වෙන මෙම තරගාවලිය එළැඹෙන 09 වැනිදා දක්වා රාජකීය බොක්සිං පිටියේදී පැවැත්වේ.

තරගාවලියේ පසුගිය වර සමස්ත ශූරයන් ලෙස 'ස්ලිම්ලයින්' කිරුළු පැලඳුවේ අඛණ්ඩව 05 වැනි වතාවටය. එමෙන්ම එම තරගාවලියේදී දක්ෂතම ක්‍රීඩකයා ලෙස 'එච්.කේ. කරුණාරත්න අනුස්මරණ කුසලානය'  දිනා ගත්තේ 'ස්ලිම්ලයින්' ක්‍රීඩා සමාජයේ දිනිඳු සපරමාදුය‍. එහිදී දක්ෂතම ක්‍රීඩිකාව ලෙස 'යුනිචෙලා' ක්‍රීඩා සමාජයේ අනුරාධා ජයසිංහ සම්මාන දිනා ගත්තාය.

ඡායාරූප- ඕෂිත වරකපිටිය