රජයේ විගණකාධිපති ගාමිණී විජේසිංහ මහතා වෙත මාසික වැටුප් හා දීමනා ගෙවීම සඳහා පාර්ලිමේන්තුවේ සම්මත කර ගැනීමට ඉදිරිපත් කර තිබූ යෝජනාව ආණ්ඩුව විසින් ඊයේ (23දා) ඉල්ල‌ා අස්කර ගත්තේය.

සභානායක අමාත්‍ය ලක්ෂ්මන් කිරිඇල්ල මහතා විසින් එම යෝජනාව ඉල්ලා අස්කර ගත් අතර, එලෙස ඉල්ලා අස්කර ගැනීමට හේතුව ජනතා විමුක්ති පෙරමුණ විසින් විමසා සිටියද, ආණ්ඩුව පාර්ශ්වයෙන් එයට පිළිතුරක් නොලැබිණි.

විගණකාධිපති ගාමිණී විජේසිංහ මහතාට ඒස්ඒල් -04 වැටුප් පරිමාණයේ 08 වැනි වැටුප් පියවරේ පිහිටුවා වැටුප් ගෙවීම හා අනෙකුත් දීමනා ලබා දීමට යෝජනාව ඉදිරිපත් කර තිබිණි.