ජනාධිපති රනිල් වික්‍රමසිංහ මහතා බ්‍රිතාන්‍යයේ අභාවප්‍රාප්ත වී සිටින එලිසබෙත් මහ රැජිනගේ අවමංගල්‍ය උත්සවයට සහභාගී වීම සදහා අද දින අලුයම කටුනායක ගුවන් තොටුපළෙන් පිටත්ව ගිය බව ගුවන් තොටුපළ කාර්යය භාර නිලධාරීවරයා පැවසීය.
ජනාධිපතිවරයා සමග තවත් රාජතාන්ත්‍රික නිලධාරීන් 08 දෙනෙකු ද දූත පිරිස ලෙස සහභාගී වීම සදහා පිටත්ව ගොස් තිබේ.
මෙම පිරිස අලුයම 03.33 ට එමිරේට්ස් ගුවන් සේවයේ ඊ.කේ.- 649 දරන ගුවන් යානයෙන් මුලින්ම ඩුබායි වෙත කටුනායක ගුවන් තොටුපළෙන් පිටත්ව ගොස් තිබුණි.
ඉන් අනතුරුව මොවුන් එතැන් සිට එංගලන්තයේ ලන්ඩන් නුවර බලා වෙනත් ගුවන් යානයකින් පිටත්ව යාමට නියමිතය.මෙය ජනාධිපති රනිල් වික්‍රමසිංහ මහතාගේ ප්‍රථම නිල විදේශ සංචාරයයි .
