මහියංගණයේ අනතුරකින් 10ක් මරුට


මහියංගණය  ,  බදුල්ල මාර්ගයේ  මහියංගණය  මහා විද්‍යාලය ඉදිරියේදි  අද (17) අලුයම 1.30ට පමණ  වෑන්රථයක් හා බස්රථයක් ගැටී සිදුවූ අනතුරකින් වෑන්රථයේ  ගමන් කළ පුද්ගලයන් 10 දෙනෙක් මියගොස් ඇතැයි මහියංගණය පොලීසිය  පවසයි .

දියතලාව සිට ත්‍රිකුණාමලය දක්වා ගමන් කරමින් තිබූ පුද්ගලික බස්රථයේ මුහුණට මුහුණ ගැටුන වෑන්රථය බස්රථයේ මීටර් 1 යි අසූවක් ඇතුලට කාවැදී  ඇතැයි පොලීසිය සඳහන් කරයි.

වෑන්රථයේ 12 දෙනෙක් ගමන්කර ඇති අතර ඉතිරි දෙදෙනාගේද තත්ත්වය බරපතල බව  මහියංගණය මූලික රෝහලේ ප්‍රකාශකයෙක් පැවසීය .

වැඩිහිටියන් 7 දෙනෙක් හා ළමුන් තිදෙනෙක්  මෙසේ මරණයට පත්ව තිබේ .

මළසිරුරු මහියංගණ මූලික රෝහලේ මෘත ශරීරාගාරයේ තබා ඇත.

වෑන්රථයේ රියදුරා නින්ද ගොස් මාර්ගයේ වැරදි මංතිරුවට ධාවනය වීම නිසා මෙම අනතුර සිදුවන්නට ඇතැයි පොලීසිය අනුමාන කරයි.

පාලිත ආරියවංශ

 



Recommended Articles