ශ්‍රී ලංකා පොදුජන පෙරමුණේ (SLPP) අනුරාධපුර දිස්ත්‍රික් පාර්ලිමේන්තු මන්ත්‍රී එච්.නන්දසේන මහතා (69) හදිසි රෝගාබාධයක් හේතුවෙන් අද (04) උදෑසන අභාවප්‍රාප්ත විය.

හිටපු පළාත් අමාත්‍යවරයෙකු වන නන්දසේන මහතා පදවිය ප්‍රාදේශීය සභාවේ සහ උතුරු මැද පළාත් සභාවේ මන්ත්‍රීවරයෙකු ලෙස ද ඇතුළුව විවිධ තනතුරු දැරූ අතර එහිදී ඔහු පළාත් අමාත්‍ය ධූරයක් ද හෙබවීය.

ඔහු 2020 පාර්ලිමේන්තු මැතිවරණයට අනුරාධපුර දිස්ත්‍රික්කයේ අපේක්ෂකයෙකු ලෙස තරඟ කර ශ්‍රී ලංකා පාර්ලිමේන්තුවට තේරී පත් විය.