ඉරිදා (13දා) රාත්‍රියේ කුඩා පරිමාණ, මහා පරිමාණ ගොවීන්, වෙළෙඳුන්, සත්ව ආහාර නිෂ්පාදකයන් ඇතුළු ක්‍ෂෙත්‍රයේ නියැලෙන්නන්ගෙන් සැදුම්ලත් මිල තීරණය කිරීමේ කමිටුවේදී දීර්ඝව සාකච්ඡා කොට එම තීරණයට එළැඹි බව සමස්ත ලංකා බිත්තර නිෂ්පාදකයන්ගේ සංගමයේ සභාපති සරත් රත්නායක මහතා පැවසීය.
බ්‍රොයිලර්වලට මිලක් ආව නිසා දැන් ඒකත් ඉවර වෙලා ඒ පාර ඇරෙමින් තියෙන්නෙ. දෙවැනි පාර අපේ සහෝදර හින්දු ජනතාවගේ ආගමික චාරිත්‍රයක් හේතුවෙන් මස් බිත්තර පරභෝජනයෙන් වැළකී සිටියා. ඒ වැඩසටහනත් දැන් අවසන් වෙලා නිසා ඒ පාරත් අපිට විවෘත වෙලයි තියෙන්නෙ. තෙවැනි පාර තමයි අපි රුපියල් 30 සිට 28ට මිල කැපුවම වයස්ගත සතුන් ගොවිපළවලින් ඉවත් කළා. ඒ කියන මාර්ග තුනම අපට විවෘත වෙලා නිසා ඉදිරියේදී බිත්තරයට හොඳ ඉල්ලුමක් ඇතිවෙමින් පවතින්නෙ.
දැනට තියෙන්නෙ ලේයර් මව් සතුන්ගෙ බිත්තර ලක්‍ෂ 4ක් පමණ වෙළෙඳ පළට එන එකයි. ඒක ලොකු හානියක් වෙන එකක් නැහැ. ඒ නිසා කිසිම ගොවි මහත්තයෙක් රුපියල් 26න් පහළ බිත්තරයක් දෙන්න එපා.”
කුලියාපිටිය- දිනේෂ් උපේන්‍ද්‍ර
