නීතිවිරෝධී රැස්වීමක සාමාජිකයන් වී නවක වදය ලබාදීම  සඳහා සබරගමුව විශ්වවිද්‍යාලයේ නේවාසිකාගාරය වෙත අයුතු ලෙස ඇතුළු වී නවක සිසුන්ට පහරදී තුවාල සිදුකිරීම සම්බන්ධයෙන් සැකකරුවන් තිදෙනෙක් අත්අඩංගුවට ගත් බව පොලිස් මාධ්‍ය ප්‍රකාශක කාර්යාලය පවසයි.

සැකකරුවන් 28 උදෑසන අපරාධ පරීක්ෂණ දෙපාර්තමේන්තුව විසින් අත්අඩංගුවට ගෙන ඇති අතර ඊයේ බලංගොඩ අධිකරණයට ඉදිරිපත් කිරීමෙන් පසුව ශරීර ඇප මත මුදා හැර තිබේ.

පෙබරවාරි 15 දා මෙම සිදුවීම සිදුව තිබේ. අත්අඩංගුවට ගත් සැකකරුවන් අවුරුදු 23, 24 හා 25 යන වයස්වල පසුවන්නෝ වූහ.