තංගල්ල නගරයේ රාජ්‍ය ආයතන සහ බස් රියැදුරන්ගේ අහඹු ලෙස සිදුකළ පීසීආර් පරීක්ෂණ වාර්තා 32ක් අනුව ඔවුන් කිසිවෙකුටත් කොරෝනා ආසාදනය වී නොමැති බව තංගල්ල සෞඛ්‍ය වෛද්‍ය නිලධාරී ජගත් ගජධීර මහතා කියයි.

තංගල්ල මූලස්ථාන පොලිස් ස්ථානයේ නිලධාරින්, අධිකරණ සංකීර්ණයේ සේවකයන්, නාවික හමුදා නිලධාරින්, වෙරළාරක්ෂක නිලධාරින් සහ බස් රියැදුරන් ඇතුළු තෝරාගත් 32කගේ පීසීආර් සාම්පල ලබා ගැනීම ඉකුත් 19 වැනිදා සිදුකර තිබිණි.

එම පරීක්ෂණ වාර්තා අනුව ඔවුන් කිසිවෙකුටත් කොරෝනා ආසාදනය වී නොමැති බවට තහවුරු වි ඇතැයි තංගල්ල සෞඛ්‍ය වෛද්‍ය නිලධාරි කාර්යාලය කියයි.