මුහුණු පොත හරහා සංවිධානය වී කැස්බෑව ජාලියගොඩ විකල්ප මාර්ගයේ යතුරු පැදි  තරගයක් පැවැත්වීමේ චෝදනා ලද තරුණයන් 36 දෙනාට රුපියල් ලක්ෂ 14 දඬයක් නියම කිරීමට කැස්බෑව අංක 02 අධිකරණයේ මහේස්ත්‍රාත් රුවන්තිකා මාරසිංහ මහත්මිය නියෝග කළාය.

සැකකාර තරුණයන් වරද පිළි ගැනීමෙන් අනතුරුව එම දඩය නියම කළාය. ඊට අමතරව මහේස්ත්‍රාත්වරිය ඔවුන්ට දැඩි අවවාද කළාය. එලෙස දඬ නියම වූයේ පිළියන්දල, කැස්බෑව ,මොරටුව ,බණ්ඩාරගම,රත්මලාන ,ගල්කිස්ස,කහතුඩුව ,පොල්ගස්ඕවිට  පදිංචි තරුණයන් පිරිසකටය.

පොලිස් හදිසි ඇමතුම් අංශයේ 119 දුරකථන අංකයට ලද තොරතුරක් අනුව පිළියන්දල පොලිසියේ ස්ථානාධිපති ප්‍රධාන පොලිස් පරීක්ෂක සනත් රංජිත් මහතා හා පරිපාලන අංශයේ ස්ථානාධිපති ප්‍රධාන පොලිස් පරීක්ෂක කමල් කොඩිතුවක්කු මහත්වරුන්ගේ ප්‍රධානත්වයෙන් පොලිස් නිලධාරීන් විසි දෙනෙකුගෙන් පමණ සමන්විත පිරිසක් ඉකුත් 26 වෙනිදා මධ්‍යම රාත්‍රියේ දී මෙම තරුණයන් පිරිස අත්අඩංගුවට ගනු ලැබුවේ ජාලියගොඩ කැස්බෑව විකල්ප මාර්ගයේ  අන්තරාදායක ලෙස යතුරු පැදි පදවමින් සිටිය දීය.

බිමල් ශ්‍යාමන්