ගුවන් භාණ්ඩ ප්‍රවාහනය වේගවත් කිරිමට වැඩසටහනක්


ශ්‍රී ලංකාවේ ගුවන් භාණ්ඩ ප්‍රවාහන ක්‍රියාවලිය වඩාත් කාර්යක්ෂම, වේගවත් හා විනිවිදභාවයෙන් යුතු ක්‍රියාවලියක් බවට පත් කිරීමේ අරමුණින් Air Cargo Community System (ACCS) හඳුන්වාදීමේ නව වැඩපිළිවෙළක් වරාය සහ සිවිල් ගුවන් සේවා අමාත්‍යාංශය මඟින් ආරම්භ කර ඇත.

2023 වසරේදී මෙම පද්ධතිය හඳුන්වාදීම සඳහා මූලික උත්සාහයක් ගෙන තිබුණද, ඊට සම්බන්ධ සියලු පාර්ශ්වකරුවන් සමඟ ප්‍රමාණවත් සම්බන්ධීකරණයක් හා එකඟතාවක් ඇති කර නොගැනීම හේතුවෙන් එම උත්සාහය ඉදිරියට ගෙන යාමට නොහැකි විය.

නව රජය පත්වීමෙන් අනතුරුව, සියලු පාර්ශ්ව එකම මේසයකට ගෙන එමින් මෙම කටයුතු නැවත ක්‍රමවත් ලෙස ආරම්භ කිරීමට හැකි වී තිබේ.

ඒ අනුව, ගුවන්තොටුපළ සහ ගුවන්සේවා සමාගම, ශ්‍රී ලංකා රේගුව, ශ්‍රී ලංකා ආයෝජන මණ්ඩලය, ශ්‍රීලංකන් ගුවන් සේවය, ඩිජිටල් ආර්ථික අමාත්‍යාංශය, මුදල්, සැලසුම් සහ ආර්ථික සංවර්ධන අමාත්‍යාංශය, ආනයන හා අපනයන පාලන දෙපාර්තමේන්තුව, ජාතික ශාක නිරෝධායන සේවය, ලංකා වාණිජ මණ්ඩලය, ශ්‍රී ලංකා ජාතික අපනයනකරුවන්ගේ මණ්ඩලය ඇතුළු අදාළ ආයතන හා පාර්ශ්වකරුවන්ගේ සහභාගීත්වයෙන් බහු පාර්ශ්වකරුවන්ගෙන් සමන්විත කමිටුවක් ස්ථාපිත කර තිබේ.

 



Recommended Articles