ගම්පහ දිස්ත්රික්කය තුළ සීඝ්රයෙන් පැතිර යන කොරෝනා වෛරසය ආසාදිත රෝගීන්ට ප්රතිකාර කිරීම සදහා නව රෝහල් දෙකක් ඉදි කිරීමට පියවර ගනිමින් සිටින බව ගම්පහ දිස්ත්රික් ප්රාදේශීය සෞඛ්ය සේවා අධ්යක්ෂ , වෛද්ය මිගාර ඈපා මහතා පැවසීය .
මේ සදහා දැනට වතුපිටිවල තරුණ මධ්යස්ථානයත් , ගම්පහ මහ රෝහල අසළ ස්ථානයක් ද තෝරා ගෙන ඇති බව වෛද්ය මිගාර ඈපා මහතා සදහන් කළේය .
මෙම රෝහල් වල ඉදි කිරීම් කටයුතු ශ්රී ලංකා යුධ හමුදාව ප්රමුඛ ආරක්ෂක අංශ මගින් සිදු කිරීමට නියමිත අතර , මෙම රෝහල් වල ඉදි කිරීම් කඩිනමින් නිමා කිරීමට රජය උපදෙස් දී ඇති බව ද හෙතෙම වැඩිදුරටත් පැවසීය .
මේ අතර 10/26 දිනයේ ගම්පහ දිස්ත්රික්කය තුළින් කොරෝනා ආසාදිත රෝගීන් 123 දෙනෙකු වාර්තා වන අතර ,බියගම ප්රදේශයෙන් 52 ක් ද , ගම්පහ ප්රදේශයෙන් 51 දෙනෙකු ද ඒ අතර වාර්තා වී සිටින බව ද ගම්පහ දිස්ත්රික් ප්රාදේශීය සෞඛ්ය සේවා අධ්යක්ෂ වෛද්ය මිගාර ඈපා මහතා පැවසීය
කටුනායක ටී.කේ.ජී.කපිල
