කටුනායක නිදහස් වෙළෙඳ කලාපය තුළින් සහ මෙම ප්‍රදේශයේ සෞඛ්‍ය වෛද්‍ය නිලධාරී කොට්ඨාසය තුළින් අද දින කොට්ඨාසය ආසාදිත රෝගීන් 26 දෙනෙකු වාර්තා වී ඇති බව ගම්පහ දිස්ත්‍රික් ප්‍රාදේශීය සෞඛ්‍ය සේවා අධ්‍යක්ෂ , වෛද්‍ය නලීන් ආරියරත්න මහතා පැවසීය .

කටුනායක නිදහස් වෙළෙඳ කලාපය තුළ පිහිටි කර්මාන්තශාලා 03 කින් අද දින මෙසේ කොරෝනා වෛරසය ආසාදිත රෝගීන් 23 දෙනෙකු වාර්තා වී ඇති අතර , ඒ අනුව මේ දක්වා මෙම කළාපය තුළ ඇති කර්මාන්තශාලා 50 කින් , කොරෝනා ආසාදිත රෝගීන් 926 දෙනෙකු වාර්තා වී සිටිති .

එමෙන්ම කටුනායක සීදුව සෞඛ්‍ය වෛද්‍ය නිලධාරී කොට්ඨාසය තුළින් ද අද දින කොරෝනා ආසාදිත රෝගීන් 03 දෙනෙකු වාර්තා වී ඇති අතර ඒ අනුව මේ දක්වා මෙම කොට්ඨාසය තුළින් කොරෝනා ආසාදිත රෝගීන් 943 වාර්තා වී තිබේ .

මෙම කොට්ඨාසය තුළින් සොයාගෙන ඇති කොරෝනා වෛරසය ආසාදිත රෝගීන් පිරිස හලාවත , බිංගිරිය මූලික රෝහල වෙත වැඩිදුර වෛද්‍ය ප්‍රතිකාර සදහා යොමු කර ඇති බව කටුනායක සීදුව පරිපාලන මහජන සෞඛ්‍ය පරීක්ෂක සුරේෂ් කුමාර මහතා පැවසීය .