ඇමරිකානු මෙරට තනාපති ජුලි චන් මහත්මිය නුවරඑලිය සීතාඑළිය සිදෙයිඅම්මන් කොවිලේ සංචාරයක නියැලුණි.
එම කොවිලේ පාලක සභාවේ ආරාධනාවක් අනුව ඇමරිකානු තනාපතිනිය අද (07දා) උදැසන එම කෝවිලට පැමිණි අතර , එම කොවිලේ භාරකාර මණ්ඩලයේ සභාපති පා.ම වි රාධාක්‍රිෂ්ණන් මහතා ඇතුළු සෙසු නිලධාරින් විසින් තනාපතියව හින්දු චාරිත්‍රානුකුලව පිලිගනු ලැබුහ.
එම පිලිගැනිමෙන් අනතුරුව සීතාඑලිය සිදෙයිඅම්මන් කොවිලේ එතුමිය වෙනුවෙන් විශේෂ ආශිර්වාද පුජාවක් පැවැත්වු අතර , එම පුජාවෙන් අනතුරුව තුර්කියේ ඇති වු භුමිකම්පාවෙන් මියගිය අයට පිං අනුමෝදම් කරමින් පැවැත් වු පුජාවකට එතුමිය සහභාගි විය.
ඇමරිකානු තනාපතිනිය නුවරඑලිය සිතාඑලිය සිදෙයිඅම්මන් කොවිලට පැමිණිම සනිටුවන් කරමින් එම කොවිලේ පාලක සභාව විසින් එතුමියට සිහිවටන තිළිණයක් පිරිනැමුහ.
