75 වන නිදහස් දින සැමරුම් නිල රජ්ය උත්සවයේ වියදම සම්බන්ධයෙන් සමාජ මාධ්ය ඔස්සේ සංසරණය වෙමින් පවතින පුවත් සහ තොරතුරු පිළිබඳ ජනාධිපති කාර්යාලයේ අවධානය යොමුව තිබේ.
ආර්ථික අර්බුදය හේතුවෙන් නිදහස් සැමරුම් නිල රාජ්ය උත්සවයක් පැවැත්වීම වර්ජනය කිරීමට ජනතාවට බල කළ පටු දේශපාලන ක්රියාවලියේ තවත් දිගුවක් ලෙස මෙම සාවද්ය තොරතුරු ප්රචාරය පෙන්නුම් කරන බවද ජනපති කාර්යාලය පවසයි.
එහි අපේක්ෂාව දුස් තොරතුරු හරහා ජනතාව නොමඟ යවා රජය ජනතාවගේ වෛරයට ලක්කිරීම සහ ආණ්ඩුව අපහසුතාවට පත්කර තම දේශපාලන අවශ්යතා ඉටුකර ගැනීම විය යුතු යැයි ජනපති කාර්යාලය පවසයි.
විදෙස් රටවල තානාපතිවරුන්, මහකොමසාරිස්වරුන් ඇතුළු සම්භාවනීය අමුත්තන් 3200ක් පමණ මෙන්ම ත්රිවිධ හමුදාව සහ පොලිසියේ 6670ක් ඇතුළු අති විශාල පිරිසක් උත්සවය සඳහා එක්ව සිටියහ.
එසේම මෙම උත්සවය සඳහා රජය විසින් අධ්යාපනය වෙනුවෙන් වෙන් කළ මුදලින් රුපියල් මිලියන 5.8ක් වැය කර ඇති බවට පළවන පුවත් ද මුළුමනින්ම සාවද්ය වේ.
මෙම උත්සවය සඳහා වන මුලික වියදමක් අධ්යාපන අමාත්යංශය විසින් ඇස්තමේන්තු ගතකර තිබුණ ද එම කිසිඳු මුදලක් වැය කර නැත.
තවද ජාතික නිදහස් දින සැමරුම් නිල රාජ්ය උත්සවය වෙනුවෙන් ද ප්රතිපාදන වෙන් කිරීම සාමාන්ය තත්ත්වයක් වන අතර මෙවර පැවති 75 වන ජාතික නිදහස් දින සැමරුම් නිල රාජ්ය උත්සවය සඳහා වැය කරනු ලැබුවේ ඇස්තමේන්තුගත මුදලට වඩා ඉතාම අඩු මුදලක් බවත් ජනපති කාර්යාලය පවසයි.
ඒ අනුව මෙවර පැවැත්වූ 75 වන ජාතික නිදහස් දින සැමරුම් නිල රාජ්ය උත්සවය සඳහා රජය වැය කළ මුළු මුදල රුපියල් 11,130,011 ශත 29ක් පමණි.
එමෙන්ම මෙවර නිදහස් දින සැමරුම් උත්සවයට රජය වැය කර ඇත්තේ මීට පෙර නිදහස් දින සැමරුම් රාජ්ය උත්සව සදහා වැය කළ මුදලට වඩා ඉතාම අඩු මුදලක් බවද සිහිපත් කළ යුතුව ඇතැයි ජනපති කාර්යාලය වැඩිදුරටත් පවසයි.