2022 වර්ෂය වෙනුවෙන් ලංකා සතොස හරහා සහන මිලට භාණ්ඩ මල්ලක් ලබාදීමට කටයුතු කරන බවත් එය අද (14දා) සිටම ක්රියාත්මක කරන බවත් වෙළඳ අමාත්ය බන්දුල ගුණවර්ධන මහතා පවසයි.
අද කොළඹදී පැවැති මාධ්ය හමුවකදී අමාත්යවරයා මෙම භාණ්ඩ මල්ල මාධ්ය වෙත ඉදිරිපත් කළේය.
ඒ අනුව, සුපිරි සම්බා කිලෝ 10ක්, සුදු සීනි කිලෝවක්, රතු පරිප්පු කිලෝවක්, ඉඳිආප්ප පිටි කිලෝවක් , හාල්මැස්සන් ග්රෑම් 500ක්, නූඩ්ල්ස් ග්රෑම් 400ක්, මේස ලුණු ග්රෑම් 400ක්, පොල්ගෙඩි 2ක කිරි (මිලිලීටර් 330ක පැකට්ටුවක්), මිරිස් කුඩු ග්රෑම් 100ක්, ගම්මිරිස් කුඩු ග්රෑම් 100ක්, තුනපහ කුඩු ග්රෑම් 100ක්, කහකුඩු ග්රෑම් 100ක්, STC තේකොළ ග්රෑම් 100ක්, ඇඟ ගල්වන සුවඳ සබන් ග්රෑම් 80 කැටයක්, සතොස සඳුන් සබන් කැටයක්, දෑත් සෝදන දියර මිලිලීටර් 100ක්, සෝයාමීට් ග්රෑම් 90ක්, සතොස TFM අගය සහිත රෙදි සෝදන සබන් කැටයක්, පපඩම් පැකට් 1ක්, ශල්ය මුහුණු ආවරණ 10ක් මෙම සහන මල්ලට ඇතුළත් වෙයි.
රුපියල් 3998/=ක වටිනාකමකින් යුත් මෙම සහන මල්ල ලංකා සතොස අළෙවිසැල් හරහා මිලදී ගැනිමට අවස්ථාව පවතී.
අනෙකුත් සුපිරි වෙළෙඳසැල් ජාල වලින් මෙම භාණ්ඩ වර්ග 20 මේ ප්රමාණයන්ගෙන්ම ලබා ගන්නා විට රු.6521/=, රු.5834/=, රු.5771/= ක් වශයෙන් ගෙවීමට සිදු වූ බවත්, මෙම භාණ්ඩ මල්ල රු.3998/=ක මුදලකට පාරිභෝගිකයා විසින් ලබා ගන්නා විට අවම වශයෙන් රු.1750/=ක වාසියක් ලැබිය හැකි බව ද අමාත්යවරයා මෙහිදී පෙන්වා දෙන ලදී.
ලංකා සතොස අළෙවිසැල් නොමැති ප්රදේශ වල ජනතාවට ක්ෂණික ඇමතුම් අංක 1998 ඇමතීමෙන් මෙම භාණ්ඩ මල්ල නිවසටම ගෙන්වා ගත හැකි බව ද අමාත්යවරයා මෙහිදී සඳහන් කරන ලදී.
එමෙන්ම නවීන තාක්ෂණය යටතේ දේශීය ව්යවසායකයෙකු විසින් සකස් කර අපනයනය කරනු ලබන දියර පොල් කිරි පැකැට්ටුවක් ද මෙම සහන මල්ලට ඇතුළත් කිරීමට හැකියාව ලද බව ප්රකාශ කළ අමාත්යවරයා, ඒ අනුව ලංකා සතොස අළෙවිසැල් ජාලය හරහා පොල්ගෙඩි දෙකක කිරි (මිලිලීටර් 330ක පැකට්ටුවක්) රු.150/=ක සහන මිලට පාරිභෝගිකයා වෙත නිකුත් කෙරෙන බව ද සඳහන් කරන ලදී.