ඔබේ පිහිට අවැසි මොහොතක්
( එස් කරුණාරත්න ) 2018-01-02 13:46:31
Comments - 0       Views - 1283

වකුගඩු රෝගයෙන් පීඩා විඳිමින් කුඩා දරුවන් දෙදෙනෙකු සමග අසරණ තත්ත්වයෙන් ජීවත් වන මවක පිළිබඳ පුවතක් ගලේවෙල, බඹරගස් වැව, ගොන්නගස් යාය ප්‍රදේශයෙන් වාර්තා වේ.

එච්.වයි. අසෝකා මාලනී (අවු.26) නමැති ඇය වසර දොළහක පමණ කාලයක සිට දරුණු වකුගඩු රෝගයකින් පෙළෙන්නීය. ඇය වයස අවුරුදු දෙකහමාරක් සහ අවුරුද්දක් වන කුඩා දරුවන් දෙදෙනෙකු සමග කටුමැටි ගැසූ නිවසක අසරණව සිටිනු අයුරු එහි ගිය අපට දැකගත හැකි විය.

අසෝකා මාලනී මහත්මියගේ ස්වාමි පුරුෂයා කුලී වැඩ කරමින් සිය බිරිඳ හා කුඩා දරු දෙදෙනා පෝෂණය කිරීමට හා රැකබලා ගැනීමට දැඩි වෙහෙසක් දරයි. මේ දිනවල පවතින නියං තත්ත්වය නිසා ඔහුට කුලී වැඩක් හෝ නොමැති වීම බරපතළ ප්‍රශ්නයකි. මෙම කාන්තාවට රජයෙන් ලැබිය යුතු කිසිදු වරප්‍රසාදයක් නොලැබී ඇති අතර, අවම වශයෙන් සමෘද්ධි සහනාධාරය හෝ වකුගඩු ආධාර කිසිවක් ඇයට ලැබී නොමැත.
සිය සැමියා උපයා ගන්නා මුදලින් දරුවන් දෙදෙනාට ආහාර ලබාදීම සිදුකරන බවත්, වකුගඩු රෝග සඳහා ප්‍රතිකාර ලබා ගැනීමට මහනුවරට සහ කොළඹට ගමන් කිරීමට මුදල් නොමැති නිසා මාස 06ක පමණ කාලයක සිට ප්‍රතිකාර නොලබා සිටින බවත් ඇය හැඬූ කඳුළින් පවසා සිටියාය.

මෙම අසරණ පවුලට උපකාර කළ හැකි අයෙකු වෙතොත් එච්.වයි. අශෝකා මාලනී නමින් කොමර්ෂල් බැංකුව, ගලේවෙල ශා‍ඛාවේ පවතින 8090020656 දරන ගිණුමට ආධාර මුදල් බැරකළ හැකිය. මේ පිළිබඳ වැඩි විස්තර 072-6553713 යන දුරකථන අංකය ඇමතීමෙන් ලබාගත හැකිය.

??????????????????????????????? ??????????????????????????????? ???????????????????????????????

ඔබේ පිහිට අවැසි මොහොතක් සඳහා ලැබී ඇති ප‍්‍රතිචාර (0)
Leave a comment
Name :
Email :
Comment :
Logged in as Sign Out
Comment :