දරුවන් 15කට වඩා සිටින මවුපියන් ගැන තොරතුරු සොයයි
( . . ) 2017-07-04 07:48:28
Comments - 0       Views - 473

ලබන ඔක්තෝබර් පළමු වැනිදාට යෙදෙන ජාතික වැඩිහිටි දිනය නිමිත්තෙන් උපහාර පිදීම සඳහා වයස අවුරුදු 100 ඉක්මවූ වැඩිහිටියන් හාදරුවන් 15 දෙනෙකුට වඩා වැඩියෙන් සිටින වයස අවුරුදු 75 ඉක්මවූ මවුපියන් පිළිබඳ තොරතුරු රැස් කිරීම සඳහා ජාතික වැඩිහිටි මහලේකම් කාර්යාලය කටයුතු යොදා තිබේ.

මේ අනුව එවැනි වයස 100 ඉක්මවා ජීවත්ව සිටින වැඩිහිටියන් හා දරුවන් 15කට වඩා සිටින වයස 75 ඉක්මවූ වැඩිහිටියන් පිළිබඳ සියලු තොරතුරු වහාම මේ මස 31 වැනිදාට පෙර ළඟම පිහිටි  ප්‍රාදේශීය ලේකම් කාර්යාලය වෙත ලබාදෙන ලෙස ජාතික වැඩිහිටි ලේකම් කාර්යාලයේ අධ්‍යක්ෂසුවින්ද සිංගප්පුලි මහතා ඉල්ලා සිටියි.

වැඩිහිටි දින ජාතිකසැමරුම් උත්සවය වැඩිහිටියන් 500කට වැඩි පිරිසකගේ සහභාගිත්වයෙන් ලබන ඔක්තෝබර් 01 වැනිදා ජනාධිපති මෛත්‍රීපාල සිරිසේන හා සමාජ සවිබලගැන්වීම්, සුභසාධන හා උඩරට උරුමය පිළිබඳ ඇමැති එස්.බී. දිසානායක යන මහත්වරුන්ගේ ප්‍රධානත්වයෙන් බත්තරමුල්ල වෝටර්ස් එජ් හෝටලයේදී පැවැත්වීමට සියලු කටයුතු සූදානම් කර ඇති බව අධ්‍යක්ෂවරයා සඳහන් කරයි.

පසුගිය වසරේ මහනුවර පොල්ගොල්ල ජාතික සමූපකාර අධ්‍යයන ආයතන ශ්‍රවණාගාරයේ පැවැති ජාතික වැඩිහිටි දින සැමරුම් උලෙළෙහිදී වයස අවුරුදු 100 ඉක්මවා සිටි වැඩිහිටියන් 150 දෙනෙකු හා දරුවන් 16 දෙනෙකුට වඩා සිටි මවුපියන් 50 දෙනෙකුට උපහාර පුදකරන ලද බවත්, මෙවර බත්තරමුල්ල වෝටර්ස් එජ් හෝටලයේදී පැවැත්වෙනජාතික උත්සවය සඳහා කොළඹ ගාලු මුවදොර සිට විවෘත රථ පෙළපාළියකින් බත්තරමුල්ල දක්වා වැඩිහිටි පිරිස් කැඳවාගෙන ඒමට සැලසුම් කර ඇති බවත් ජාතික වැඩිහිටි මහලේකම් කාර්යාල අධ්‍යක්ෂ සුවින්ද සිංගප්පුලි මහතා ප්‍රකාශ කරයි.

දරුවන් 15කට වඩා සිටින මවුපියන් ගැන තොරතුරු සොයයි සඳහා ලැබී ඇති ප‍්‍රතිචාර (0)
Leave a comment
Name :
Email :
Comment :
Logged in as Sign Out
Comment :