මාර්ග ආසන්නයේ ජීවත්වීම මානසික රෝගවලට අත වැනීමක්
( අද කර්තෘ මණ්ඩලය ) 2017-01-05 17:45:16
Comments - 0       Views - 556

ප්‍රධාන මාර්ග ආසන්නයේ ජීවත්වන ජනතාව බොහෝ විට මානසික රෝගවලට ගොදුරුවන බව නවතම සමීක්ෂණයකින් අනාවරණය කරගෙන තිබේ.ලැන්සෙට් නමැති සමීක්ෂණ ආයතනය කැනඩාවේ ඔන්ටාරියෝ ප්‍රාන්තයේ වසර 11ක කාලයක් පුරාවට සිදුකළ සමීක්ෂණයකින් මේ බව සනාථ කරගෙන තිබේ.

එම කාලසීමාවේදී මිනිසුන් මිලියන දෙකකට ආසන්න සංඛ්‍යාවක් යොදාගෙන ඔවුන් මෙම සමීක්ෂණය සිදුකර ඇති අතර, එහිදී පුද්ගලයන් 243,611ක් මානසික රෝගවලට ගොදුරුවී ඇතැයි ඔවුන් විසින් හෙළි කරගෙන තිබේ.

සමස්තයක් ලෙස ගත්විට ලෝකයේ සමස්ත ජනතාවගෙන් මිලියන 50ක් පමණ මානසික රෝගවලින් පෙළෙන බවද වාර්තා වේ.වායු දූෂණය හෝ මාර්ග තදබදය හේතුවෙන් ඇතිවන ශබ්දය ජනතාවගේ මොළයට අහිතකර ලෙස බලපාන බවද එම සමීක්ෂණයෙන් හෙළිකරගෙන ඇත.

ඔවුන් සොයාගත් දත්ත අනුව 7%සිට 11%දක්වා වන මානසික රෝගීන් ප්‍රමාණයක් ප්‍රධාන මාර්ගයට මීටර් 50ක වපසරියක සිටින ජනතාව අතරින් වාර්තා වන බවද සොයාගෙන තිබේ. ලෝක ජනගහනය ඉහළ යාමත් සමග 2050 වසර වනවිට ලෝකයේ ජනගහනයෙන් මිලියන 130කට අධික පිරිසක් මානසික රෝගවලින් පෙළෙනු ඇති බවටද ඔවුන් හඳුනාගෙන තිබේ.  

මාර්ග ආසන්නයේ ජීවත්වීම මානසික රෝගවලට අත වැනීමක් සඳහා ලැබී ඇති ප‍්‍රතිචාර (0)
Leave a comment
Name :
Email :
Comment :
Logged in as Sign Out
Comment :