රුපියල් ලක්ෂ 15 ක් වටිනා උසම කේක් නිර්මාණය
( නදීශානි පතිරණ ) 2016-09-20 14:59:59
Comments - 1       Views - 3183

එල්ලෙන කේක් නිර්මාණ කලාව ලොවට හඳුන්වා දෙමින් මෙන්ම ඒ අනුව ලංකාවේ ඉදි වූ ලොව උසම එල්ලෙන කේක් ආකෘතියද නිර්මාණය කරමින් කේක් නිර්මාණකරණයේ නව මානයන් සොයා ගිය චෙෆ් මාටිනස් තවත් ශ්‍රී ලාංකීය වාර්තාවක් පසුගියදා හිල්ටන් හෝටල් පරිශ්‍ර‘යේදී තබන ලදී.

ඒ අඩි 21.9 ක උස හා අඩි 8 ක පළලින් යුතු ලංකාවේ විවාහ උත්සවයක් සඳහා නිර්මාණය කළ උසින් වැඩිම කේක් නිර්මාණය සිදුකරමිනි. ඇන්ජලෝ විජේසිංහ සහ සෙනුරි ඩිලංකා යුවළගේ විවාහ උත්සවය වෙනුවෙන් පසුගිය 15 වැනිදා නිර්මාණය කළ මෙම කේක් ආකෘතිය තුළ ප්‍රියෝනිස්, රෝස, ඕකිඩ්, ස්ටෙෆිනොට්ස් ආදී මල් වර්ග අයිසිං නිර්මාණ ලෙස අලංකරණයට එක්කර තිබුණි. දින 45ක කාලයක් මෙම නිර්මාණය වෙනුවෙන් වැය කළ බවත්, මෙහි වටිනාකම රුපියල් මිලියන 1.5 ක් වන බවත් චෙෆ් මාටිනස් සඳහන් කරයි.

රත්‍රන්, ඇත්දළ යන වර්ණවලින් වූ ලියවැල්, පබලු, ගල්වර්ග ආදියෙන් මෙම කේක් නිර්මාණය සමන්විත විය.විදේශයන් රැසක තරුපන්තියේ හෝටල්වල ප්‍රවීණ සූපවේදියෙකු ලෙස කටයුතු කර ඇති චෙෆ් මාටිනස් තම නමින් වර්තමානයේ කේක් ආකෘති නිර්මාණකරණ ආයතනයක් පවත්වාගෙන යයි.

ලෝකයේ ලොකුම අයිසින් රෝසමල ඇතුළු වාර්තාගත නිර්මාණ රැසක් සිදුකළ චෙෆ් මාටිනස් තම සේවාදායකයන්ගේ රුචිකත්වය පරිදි නව නිර්මාණ බිහිකිරීමට සැදී පැහැදී සිටින බව 'අද' ට ප්‍රකාශ කළේය.ඔහුගේ දුරකථන අංකය 0779 944555 ඔස්සේ මෙන්ම ෆේස්බුක් පිටුව වන Cheff Martinesz හරහා ඔහුව සම්බන්ධ කරගත හැකිය.

ඡායාරූප ඉසුරු පෙරේරා

AID_8192 AID_8196 AID_8199 AID_8202 AID_8205 AID_8219 AID_8222 AID_8227 AID_8231 AID_8233 AID_8235 AID_8240 AID_8243 AID_8247 AID_8251 AID_8262 AID_8266 AID_8269 AID_8275 AID_8282 AID_8288 AID_8297

රුපියල් ලක්ෂ 15 ක් වටිනා උසම කේක් නිර්මාණය සඳහා ලැබී ඇති ප‍්‍රතිචාර (1)
Posted by Local on (2016-11-13 21:06:33)

Ayyo Salli! What were they thinking???

Posted by Local on (2016-11-13 21:06:33)

Ayyo Salli! What were they thinking???

Leave a comment
Name :
Email :
Comment :
Logged in as Sign Out
Comment :
Loading...